ਫਿਰੋਜਪੁਰ : ਦਿਨ ਦਿਹਾੜੇ ਬਦਮਾਸ਼ਾ ਵਲੋਂ ਤਾਬੜ ਤੋੜ ਗੋਲੀਆਂ ਚਲਾ ਕੇ ਇੱਕ ਵਿਅਕਤੀ ਨੂੰ ਗੰਭੀਰ ਰੂਪ ਵਿੱਚ ਜਖਮੀ ਕਰ ਦਿੱਤਾ ਗਿਆ। ਘਟਨਾ ਮਲਵਾਲ ਰੋਡ ਦੀ ਹੈ। ਜਿੱਥੇ ਵਿਅਕਤੀ ਅਮਿਤ ਉਰਫ ਰਵੀ ਜੋ ਕਿ ਮੋਟਰ ਸਾਈਕਲ ਤੇ ਸਵਾਰ ਹੋ ਕੇ ਆ ਰਿਹਾ ਸੀ। ਉਸਦੇ ਪਿੱਛੇ ਹੀ 3 ਮੋਟਰ ਸਾਈਕਲ ਤੇ ਸਵਾਰ 6 ਬਦਮਾਸ਼ ਆਏ ਅਤੇ ਤਾਬੜ ਤੋੜ ਗੋਲ਼ੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਹਾਲਾਂਕਿ ਵਿਅਕਤੀ ਵੱਲੋਂ ਭੱਜ ਕੇ ਆਪਣੀ ਜਾਨ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਗਈ।
ਪਰ ਬਦਮਾਸ਼ਾ ਵਲੋਂ ਅੰਨ੍ਹੇ ਵਾਂਗ ਗੋਲੀਆਂ ਚਲਾਈਆਂ ਜੋ ਕਿ ਵਿਅਕਤੀ ਦੇ ਲੱਗੀਆਂ ਅਤੇ ਉੱਥੇ ਹੀ ਉਹ ਡਿੱਗ ਪਿਆ । ਗੋਲੀਆਂ ਚਲਾ ਕੇ ਬਦਮਾਸ਼ ਓਥੋਂ ਫਰਾਰ ਹੋ ਗਏ। ਸਾਰੀ ਵਾਰਦਾਤ ਸੀਸੀਟੀਵੀ ਵਿੱਚ ਕੈਦ ਹੋ ਗਈ ਹੈ। ਪੁਲਿਸ ਮੌਕੇ ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ । ਮੌਕੇ ‘ਤੇ ਪਹੁੰਚੇ ਐਸਪੀ ਰਣਧੀਰ ਕੁਮਾਰ ਨੇ ਦੱਸਿਆ ਕਿ ਘਾਇਲ ਹੋਏ ਵਿਅਕਤੀ ਨੂੰ ਹਸਪਤਾਲ ਵਿੱਚ ਭਰਤੀ ਕਰਾਇਆ ਗਿਆ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ, ਕੀ ਇਹ ਘਟਨਾ ਆਪਸੀ ਰੰਜਿਸ਼ ਦੀ ਹੈ ਜਾਂ ਫਿਰ ਕੁੱਝ ਹੋਰ।
