ਬਠਿੰਡਾ :ਤਲਵੰਡੀ ਸਾਬੋ ਦੇ ਤਹਿਸੀਲ ਕੰਪਲੈਕਸ ਦੇ ਮੇਨ ਗੇਟ ਸਾਹਮਣੇ ਅਤੇ ਥਾਣੇ ਤੋਂ 200 ਮੀਟਰ ਦੀ ਦੂਰੀ ਤੇ ਗੋਲੀ ਚਲਣ ਦਾ ਮਾਮਲਾ ਸਾਮਣੇ ਆਇਆ ਹੈ। ਇਹ ਗੋਲੀ ਪੈਸਿਆਂ ਦੇ ਲੈਣ ਦੇਣ ਕਰਕੇ ਚਲਾਈ ਗਈ ਹੈ। ਸ਼ਿਕਾਇਤ ਕਰਤਾ ਮਨੀ ਨੇ ਦਸਿਆ ਕਿ ਉਹ ਪੈਟਰੋਲ ਪੰਪ ਤੇ ਕਮ ਕਰਦਾ ਹੈ। ਪੈਟਰੋਲ ਪੰਪ ਦੇ ਤੇਲ ਦੀ ਪੇਮੈਂਟ ਦੇਣ ਤੋ ਇਕ ਪਾਰਟੀ ਨੇ ਮਨਾ ਕਰ ਦਿਤਾ ਸੀ। ਜਿਸਦੀ ਦਰਖ਼ਾਸਤ ਉਹਨਾਂ ਵਲੋਂ ਥਾਣੇ ਚ ਦਿਤੀ ਗਈ ਸੀ।
ਸ਼ਹਿਰ ਦੇ ਮੋਹਤਵਾਰ ਬੰਦਿਆਂ ਨੇ ਦੋਨਾਂ ਧਿਰਾਂ ਦਾ ਰਾਜੀਨਾਮਾ ਕਰਵਾ ਦਿਤਾ ਸੀ। ਜਿਸਦੀ ਰੰਜਿਸ਼ ਕਢਣ ਲਈ ਅੱਜ ਸਵਿਫਟ ਕਾਰ ਚ ਸਵਾਰ ਇਕ ਧਿਰ ਨੇ ਮਨੀ ਅਤੇ ਉਸਦੇ ਸਾਥੀਆਂ ਤੇ ਗੋਲੀਆਂ ਚਲਾਇਆ। ਪਹਿਲੀ ਗੋਲੀ ਜਾਮਵਰ ਬਸਤੀ ਦੇ ਰਸਤੇ ਚ ਚਲੀ ਅਤੇ ਦੂਜੀ ਤਹਿਸੀਲ ਕੰਪਲੈਕਸ ਦੇ ਮੇਨ ਗੇਟ ਦੇ ਸਾਹਮਨੇ । ਗੋਲੀ ਕਾਰ ਦੇ ਫਰੰਟ ਸ਼ੀਸ਼ੇ ਤੇ ਲੱਗੀ ਜਿਸਦੇ ਛਰੇ ਗੱਡੀ ਚ ਬੈਠੇ ਬੰਦਿਆਂ ਦੇ ਲਗੇ। ਮਨੀ ਦੇ 3 ਸਾਥੀ ਜਖਮੀ ਹੋ ਗਏ। ਤਲਵੰਡੀ ਸਾਬੋ ਦੀ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
