ਲੁਧਿਆਣਾ : ਚੋਰਾਂ ਵੱਲੋਂ ਚੋਰੀਆਂ ਕਰਨ ਦੀਆਂ ਅਲੱਗ ਅਲੱਗ ਵਾਰਦਾਤਾਂ ਬਾਰੇ ਤਾਂ ਤੁਸੀਂ ਸੁਣਿਆ ਹੋਵੇਗਾ। ਪਰ ਇੱਕ ਅਨੋਖੀ ਚੋਰੀ ਦੀ ਘਟਨਾ ਸਮਰਾਲਾ ਦੇ 220 ਕੇ.ਬੀ ਸਬ ਸਟੇਸ਼ਨ ਘੁਲਾਲ ਤੋ ਸਾਹਮਣੇ ਆਈ ਜਿਸ ਵਿੱਚ ਅੱਜ ਸ਼ਾਮੀ ਤਕਰੀਬਨ 4.30 ਵਜੇ 3 ਔਰਤਾਂ ਸੀਬੀਟੀ ਦਾ ਪੁਰਜਾ ਭੰਨ ਕੇ ਸਮਾਨ ਚੋਰੀ ਕਰਦੀਆਂ ਫੜੀਆਂ। ਇਹਨਾਂ ਦਾ ਹੀ ਇੱਕ ਸਾਥੀ ਅਤੇ ਇੱਕ ਔਰਤ ਟੈਂਪੂ ਸਮੇਤ ਭੱਜਣ ਵਿੱਚ ਕਾਮਯਾਬ ਹੋਏ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਜਸਪਾਲ ਸਿੰਘ ਏਐਸਐਸਏ ਘੁਲਾਲ ਨੇ ਦੱਸਿਆ ਕਿ ਜਦੋਂ ਉਹਨਾਂ ਨੇ ਕੁਝ ਔਰਤਾਂ ਨੂੰ ਗਰਿੱਡ ਵਿੱਚ ਸ਼ੱਕੀ ਅਵਸਥਾ ਵਿੱਚ ਘੁੰਮਦੀਆਂ ਦੇਖੀਆਂ।
ਤਾਂ ਵਿੱਚ ਗਰਿੱਡ ਡਿਊਟੀ ਤੇ ਤੈਨਾਤ ਕਰਮਚਾਰੀਆਂ ਨੂੰ ਕਹਿ ਕੇ ਉਹਨਾਂ ਨੂੰ ਬਾਹਰ ਜਾਣ ਲਈ ਆਖਿਆ ਜਾਵੇ। ਤਾਂ ਕੁਝ ਸਮਾਂ ਬਾਅਦ ਇੱਕ ਰਾਹਗੀਰ ਵਿਅਕਤੀ ਨੇ ਦੱਸਿਆ ਕਿ ਕੁਝ ਔਰਤਾਂ ਗਰਿੱਡ ਵਿੱਚੋਂ ਕੋਈ ਕੀਮਤੀ ਸਮਾਨ ਚੋਰੀ ਕਰਕੇ ਟੈਂਪੂ ਵਿੱਚ ਰੱਖ ਰਹੀਆਂ ਹਨ, ਤਾਂ ਤਿੰਨ ਔਰਤਾਂ ਨੂੰ ਤਾਂ ਮੌਕੇ ਤੇ ਫੜ ਲਿਆ ਗਿਆ। ਪਰ ਉਹਨਾਂ ਵਿੱਚੋਂ ਇੱਕ ਵਿਅਕਤੀ ਅਤੇ ਇੱਕ ਔਰਤ ਟੈਂਪੂ ਸਮੇਤ ਫਰਾਰ ਹੋ ਗਏ । ਚੋਰੀ ਕੀਤੇ ਸਮਾਨ ਦੀ ਕੀਮਤ ਕਰੀਬ ਤਿੰਨ ਤੋਂ ਚਾਰ ਲੱਖ ਦੇ ਵਿਚਕਾਰ ਹੋਵੇਗੀ।
ਇਸ ਸਬੰਧ ਵਿੱਚ ਜਦੋਂ ਜੇ ਈ ਮਨਜੀਤ ਸਿੰਘ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਨੇ ਆਖਿਆ ਕੇ ਇਸ ਵਾਰਦਾਤ ਤੋਂ ਪਹਿਲਾਂ ਵੀ ਘੁਲਾਲ ਗਰਿੱਡ ਵਿੱਚ ਉਕਤ ਔਰਤਾਂ ਨੇ ਚੋਰੀਆਂ ਕੀਤੀਆਂ। ਪਰ ਕਦੇ ਫੜੀਆਂ ਨਹੀਂ ਗਈਆਂ । ਅੱਜ ਜਦੋਂ ਇਹ ਔਰਤਾਂ ਸੀਬੀਟੀ ਦਾ ਪੁਰਜਾ ਚੋਰੀ ਕਰਕੇ ਟੈਂਪੂ ਵਿੱਚ ਰੱਖ ਕੇ ਭੱਜਣ ਦੀ ਤਿਆਰੀ ਵਿੱਚ ਸਨ ਤਾਂ ਇੱਕ ਵਿਅਕਤੀ ਨੇ ਇਹਨਾਂ ਨੂੰ ਦੇਖਦੇ ਹੀ ਰੌਲਾ ਪਾਇਆ ਅਤੇ ਮੌਕੇ ਤੇ ਹੀ ਇਹਨਾਂ ਔਰਤਾਂ ਨੂੰ ਕਾਬੂ ਕਰ ਲਿਆ ਗਿਆ। ਤੁਰੰਤ ਮੌਕੇ ਤੇ ਪੁਲਿਸ ਨੂੰ ਇਸ ਦੀ ਸੂਚਨਾ ਦਿੱਤੀ ਗਈ। ਪੁਲਿਸ ਥਾਣਾ ਸਮਰਾਲਾ ਦੇ ਏ.ਐਸ.ਆਈ ਪਵਨਜੀਤ ਸਿੰਘ ਮੌਕੇ ਤੇ ਪਹੁੰਚੇ ਅਤੇ ਇਹਨਾਂ ਚੋਰਨੀਆਂ ਨੂੰ ਕਾਬੂ ਕਰਕੇ ਪੁਲਿਸ ਸਟੇਸ਼ਨ ਸਮਰਾਲਾ ਲੈ ਗਏ।
