ਗੁਰਦਾਸਪੁਰ: ਬਟਾਲਾ ਦੇ 49 ਸਾਲਾਂ ਵਿਅਕਤੀ ਸੁਰਿੰਦਰਪਾਲ ਦੀ ਅੱਜ ਬਟਾਲਾ ਰੇਲਵੇ ਸਟੇਸ਼ਨ ਤੇ ਟ੍ਰੇਨ ਦੀ ਚਪੇਟ ਚ ਆਉਣ ਕਾਰਨ ਹੋਈ ਮੌਕੇ ਤੇ ਮੌਤ ਹੋ ਗਈ। ਰੇਲਵੇ ਪੁਲਿਸ ਦੇ ਅਧਕਾਰੀਆਂ ਮੁਤਾਬਿਕ ਸੁਰਿੰਦਰਪਾਲ ਬਟਾਲਾ ਰੇਲਵੇ ਸਟੇਸ਼ਨ ਤੇ ਟ੍ਰੇਨ ਦਾ ਇੰਤਜ਼ਾਰ ਕਰਦੇ ਹੋਏ ਪਲੇਟਫਾਰਮ ਤੇ ਖੜਾ ਸੀ। ਇਸ ਦੌਰਾਨ ਟ੍ਰੇਨ ਆਉਣ ਤੇ ਪਲੇਟਫਾਰਮ ਤੋਂ ਉਤਰ ਦੂਸਰੇ ਰੇਲਵੇ ਟਰੈਕ ਤੇ ਕਰਾਸ ਕਰਨ ਲਗਾ ਸੀ।
ਉੱਥੇ ਹੀ ਅੰਮਿ੍ਤਸਰ ਤੋਂ ਜੰਮੂ ਜਾ ਰਹੀ ਟਾਟਾ ਮੋਰੀ ਟ੍ਰੇਨ ਥੱਲੇ ਆਉਣ ਕਾਰਨ ਇਹ ਦਰਦਨਾਕ ਹਾਦਸਾ ਵਾਪਰ ਗਿਆ ਅਤੇ ਵਿਅਕਤੀ ਦੀ ਮੌਕੇ ਤੇ ਮੌਤ ਹੋ ਗਈ। ਰੇਲਵੇ ਪੁਲਿਸ ਵਲੋਂ ਲਾਸ਼ ਨੂੰ ਕਬਜ਼ੇ ਚ ਲੈ ਜਦ ਤਲਾਸ਼ੀ ਲਿਤੀ ਗਈ ਤਾਂ ਉਸਦੀ ਜੇਬ ਚੋ ਪੁਲਿਸ ਨੁੰ ਉਸਦਾ ਅਧਾਰ ਕਾਰਡ ਮਿਲਿਆ। ਜਿਸ ਦੋਰਾਨ ਉਸਦੀ ਪਹਿਚਾਣ ਸੁਰਿੰਦਰਪਾਲ ਵਾਸੀ ਗੌਂਸਪੁਰਾ ਵਜੋਂ ਹੋਈ। ਰੇਲਵੇ ਪੁਲਿਸ ਵਲੋਂ ਮ੍ਰਿਤਕ ਦੀ ਲਾਸ਼ ਕਬਜ਼ੇ ਚ ਲੈ ਸਿਵਲ ਹਸਪਤਾਲ ਬਟਾਲਾ ਚ ਪੋਸਟਮਾਰਟਮ ਲਈ ਭੇਜਿਆ ਗਿਆ ਹੈ। ਪੁਲਿਸ ਅਧਕਾਰੀ ਨੇ ਦੱਸਿਆ ਕਿ ਉਹਨਾਂ ਵਲੋਂ ਮਾਮਲਾ ਦਰਜ ਕਰ ਕਾਰਵਾਈ ਕੀਤੀ ਜਾ ਰਹੀ ਹੈ।
