ਫਿਰੋਜ਼ਪੁਰ : ਇੱਕ ਪ੍ਰੈਸ ਨੋਟ ਰਾਂਹੀ ਸ਼੍ਰੋਮਣੀ ਅਕਾਲੀ ਦਲ ਅਮ੍ਰਿੰਤਸਰ ਦੇ ਪੀਏਸੀ ਮੈਬਰ ਅਤੇ ਜਿਲਾ ਪ੍ਰਧਾਨ ਫਿਰੋਜ਼ਪੁਰ ਗੁਰਚਰਨ ਸਿੰਘ ਭੁੱਲਰ ਨੇ ਕਿਹਾ ਕਿ ਪਿਛਲੀਆਂ ਸਰਕਾਰਾਂ, ਬਾਦਲ, ਬੀਜੇਪੀ ਅਤੇ ਕਾਗਰਸ ਵੱਲੋ ਆਪਣੇ ਰਾਜ ਵਿੱਚ ਆਪਣੇ ਹੱਕ ਮੰਗਦੇ, ਕਿਸਾਨਾਂ, ਮਜਦੂਰਾਂ, ਮੁਲਾਜਮਾਂ, ਬੇਰੋਜ਼ਗਾਰ ਨੋਜਵਾਨਾਂ ਨੂੰ ਜਿਸ ਤਰਾਂ ਇਨਸਾਫ ਦੇਣ ਦੀ ਜਗਾਹ ਜਬਰ ਜੁਲਮ ਅਤੇ ਲਾਠੀਚਾਰਜ ਕਰਕੇ ਗੁਲਾਮੀ ਦਾ ਇਹਸਾਸ ਕਰਾਇਆ ਗਿਆ ਸੀ। ਉਹਨਾਂ ਲੀਹਾਂ ਤੇ ਆਮ ਆਦਮੀ ਪਾਰਟੀ ਸਰਕਾਰ ਨੇ ਜ਼ੁਲਮ ਕਰਨਾ ਸੁਰੂ ਕਰ ਦਿੱਤਾ ਹੈ। ਇਹਨਾਂ ਸਰਕਾਰਾਂ ਦੀ ਫਿਦਰਤ ਬਣ ਚੁੱਕੀ ਹੈ ਕਿ ਜੋ ਵੀ ਇਨਸਾਫ ਮੰਗਦਾ ਹੈ, ਉਸ ਤੇ ਪੁਲਿਸ ਰਾਹੀ ਜਬਰ ਕਰਵਾ ਕੇ ਦਬਾਅ ਦਿੱਤਾ ਜਾਵੇ। ਪਿਛਲੇ ਦਿਨੀ ਸਰੇਆਮ ਕਿਸਾਨਾਂ, ਬੇਰੋਜਗਾਰ ਬੱਚਿਆ ਤੇ ਪੁਲਿਸ ਰਾਹੀ ਜਬਰ ਜੁਲਮ ਕੀਤਾ ਗਿਆ। ਪੰਜਾਬ ਵਿੱਚ ਹਫੜਾ ਦਫੜੀ ਮੱਚੀ ਹੋਈ ਹੈ। ਮੁਲਾਜ਼ਮ ਇੱਕ ਮਹੀਨੇ ਤੋ ਹੜਤਾਲ ਤੇ ਚੱਲ ਰਹੇ ਹਨ। ਪਰ ਸਰਕਾਰ ਉਹਨਾਂ ਨਾਲ ਗਲ ਕਰਕੇ ਮਸਲਾ ਹਲ ਨਹੀ ਕਰ ਰਹੀ। ਲੋਕ ਆਪਣੇ ਕੰਮਾਂ ਵਾਸਤੇ ਦਰ ਦਰ ਦੀਆਂ ਠੋਕਰਾਂ ਖਾ ਰਹੇ ਹਨ।
ਪੰਜਾਬ ਦੇ ਹਲਾਤ ਇਤਨੇ ਨਾਜ਼ੁਕ ਹੋ ਗਏ ਹਨ ਕਿ ਚਾਹੇ ਕਿਸੇ ਨੂੰ ਕੋਈ ਗੋਲੀ ਮਾਰ ਕੇ ਮਾਰ ਦੇਵੇ, ਚਾਹੇ ਕੋਈ ਜੇਲਾਂ ਵਿੱਚ ਬੈਠਾ ਫਿਰੋਤੀਆਂ ਮੰਗੀ ਜਾਵੇ, ਜਾਂ ਫਿਰ ਨਿਤ ਦਿਹਾੜੇ ਬੈਕਾਂ ਵਿੱਚ ਡਾਕੇ ਮਾਰੀ ਜਾਵੇ, ਚਾਹੇ ਲੋਕਾਂ ਨੂੰ ਲੁੱਟਿਆ ਤੇ ਕੁਟਿਆ ਜਾਵੇ। ਪਰ ਸਰਕਾਰ ਕੁੰਭਕਰਨ ਦੀ ਨੀਦ ਸੁਤੀ ਪਈ ਹੈ। ਸਰਕਾਰ ਸਿਰਫ ਚੁਟਕਲਿਆਂ ਰਾਹੀ ਵਿਰੋਧੀ ਧਿਰ ਨੂੰ ਆਹਰੇ ਲਾ ਕੇ ਰੱਖਦੀ ਹੈ ਅਤੇ ਉਹ ਸਿਰਫ ਅਖਬਾਰਾਂ ਦੀਆਂ ਸੁਰਖੀਆਂ ਬਣਦੀਆਂ ਹਨ। ਗੁਰੂਆ ਪੀਰਾਂ ਦੀ ਧਰਤੀ ਲਵਾਰਸ ਹੋਈ ਪਈ ਹੈ,ਜੋ ਵੀ ਸਰਕਾਰਾਂ ਪੰਜਾਬ ਵਿੱਚ ਅੱਜ ਤੱਕ ਆਈਆਂ ਹਨ। ਉਹਨਾਂ ਦੇ ਲੀਡਰਾਂ ਨੇ ਪੰਜਾਬ ਨੂੰ ਅਤੇ ਪੰਜਾਬ ਦੇ ਲੋਕਾਂ ਨੂੰ ਲੁੱਟਣ ਅਤੇ ਕਰਜਾਈ ਕਰਨ ਦੀ ਕੋਈ ਕਸਰ ਨਹੀ ਛੱਡੀ। ਸ੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਲੋਕਾਂ ਤੇ ਜਬਰ ਜ਼ੁਲਮ ਕਰਨ ਵਾਲਿਆ ਸਰਕਾਰਾਂ ਨੂੰ ਨਸੀਅਤ ਦੇਣਾ ਚਾਹੁੰਦਾ ਹੈ ਕਿ ਪੰਜਾਬ ਨੂੰ ਕਈ ਲੁੱਟਣ ਵਾਲੇ ਆਏ ਉਹਨਾਂ ਦਾ ਨਾਮੋ ਨਿਸ਼ਾਨ ਮਿਟ ਗਏ, ਤੁਸੀ ਕਿਸ ਬਾਗ ਦੀ ਮੂਲੀ ਹੋ। ਲੋਕਾਂ ਨੂੰ ਲੁੱਟਣਾ ਤੇ ਕੁਟਣਾ ਬੰਦ ਕਰੋ ਤੇ ਉਹਨਾ ਨੂੰ ਇਨਸਾਫ ਦਿਉ ਨਹੀ ਤੇ ਤੁਹਾਡਾ ਹਾਲ ਵੀ ਪਿਛਲੇ ਹੰਕਾਰੀ ਲੋਕਾਂ ਵਾਲਾ ਹੋਵੇਗਾ।
Leave a Reply