ਪੰਜਾਬ : 9 ਦਸੰਬਰ ਤੋਂ ਸ਼ੁਰੂ ਹੋਵੇਗਾ Amar Circus, ਦੇਖੋ ਵੀਡਿਓ

ਬਠਿੰਡਾ : ਮਨੋਰੰਜਨ ਦੇ ਰੂਪ ਵਿਚ ਭਾਰਤੀ ਸੱਭਿਆਚਾਰ ਨੂੰ ਦਰਸਾਉਂਦਾ ਅਮਰ ਸਰਕਸ 9 ਦਸੰਬਰ ਦਿਨ ਸ਼ਨੀਵਾਰ ਤੋਂ ਦਾਣਾ ਮੰਡੀ ਨੇੜੇ ਖਾਲਸਾ ਗਰਾਊਂਡ ਵਿਖੇ ਸ਼ੁਰੂ ਹੋਣ ਜਾ ਰਿਹਾ ਹੈ। ਜਿਸ ਦਾ ਉਦਘਾਟਨ ਸ਼ਾਮ 7 ਵਜੇ ਪੰਜਾਬ ਮੀਡੀਅਮ ਡਿਵੈਲਪਮੈਂਟ ਇੰਡਸਟਰੀਜ਼ ਦੇ ਪ੍ਰਧਾਨ ਨੀਲ ਗਰਗ ਆਪਣੇ ਘਰ ਤੋਂ ਕਰਨਗੇ । ਐਤਵਾਰ 10 ਦਸੰਬਰ ਤੋਂ ਬਾਅਦ ਦੁਪਹਿਰ 1 ਵਜੇ, ਸ਼ਾਮ 4 ਵਜੇ ਅਤੇ ਸ਼ਾਮ 7 ਵਜੇ ਰੋਜ਼ਾਨਾ 3 ਸ਼ੋਅ ਹੋਣਗੇ। ਅਮਰ ਸਰਕਸ ਦੇ ਮੈਨੇਜਰ ਸੰਤੋਸ਼ ਨਈਅਰ, ਬਬਲੂ ਅਤੇ ਮੈਨੇਜਰ ਰਾਜੂ ਨੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ 9 ਦਸੰਬਰ ਨੂੰ ਸ਼ੁਰੂ ਹੋਣ ਜਾ ਰਹੀ। ਉਨਾਂ ਕਿਹਾ ਕਿ ਅਮਰ ਸਰਕਸ ਦੁਨੀਆ ਦੀ ਸਭ ਤੋਂ ਮਸ਼ਹੂਰ ਸਰਕਸ ਹੈ। ਇਸ ਸਰਕਸ ਵਿੱਚ ਮਿਜ਼ੋਰਮ ਦੇ ਵਿਸ਼ੇਸ਼ ਕਲਾਕਾਰ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕਰਨਗੇ। ਇਸ ਤੋਂ ਇਲਾਵਾ ਮੌਤ ਦਾ ਖੂਹ ਵਿਸ਼ੇਸ਼ ਖਿੱਚ ਦਾ ਕੇਂਦਰ ਹੋਵੇਗਾ।

ਇਸ ਤੋਂ ਇਲਾਵਾ ਇਸ ਸਰਕਸ ਵਿੱਚ ਸਵਿੰਗ ਗੇਮਜ਼, ਸਾਈਕਲ ਗੇਮਜ਼ ਹੂਲਾ ਹੂਪ ਅਤੇ ਹੋਰ ਕਈ ਨਵੇਂ ਟਰਿੱਕ ਦਿਖਾਏ ਜਾਣਗੇ। ਉਨਾਂ ਕਿਹਾ ਕਿ ਸਕੂਲਾਂ ਲਈ 50 ਫੀਸਦੀ ਛੋਟ ਹੋਵੇਗੀ। ਜੇਕਰ ਕੋਈ ਸਕੂਲ 500 ਦੇ ਕਰੀਬ ਬੱਚੇ ਲਿਆਉਂਦਾ ਹੈ ਤਾਂ ਉਨ੍ਹਾਂ ਲਈ ਵੱਖਰਾ ਸ਼ੋਅ ਵੀ ਦਿਖਾਇਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਸਰਕਸ ਸਾਡੇ ਭਾਰਤ ਦੀ ਸੱਭਿਆਚਾਰਕ ਵਿਰਾਸਤ ਹੈ ਜਿਸ ਨੂੰ ਅਸੀਂ ਅੱਜ ਤੱਕ ਸੰਭਾਲ ਕੇ ਰੱਖਿਆ ਹੈ। ਸਰਕਸ ਵਿੱਚ ਬੱਚਿਆਂ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਦਾ ਹੈ। ਅੱਜ-ਕੱਲ੍ਹ ਬੱਚੇ ਹਮੇਸ਼ਾ ਮੋਬਾਈਲ ਫੋਨਾਂ ‘ਚ ਹੀ ਡੁੱਬੇ ਰਹਿੰਦੇ ਹਨ। ਉਨ੍ਹਾਂ ਨੂੰ ਕੁਝ ਸਮੇਂ ਲਈ ਉਨ੍ਹਾਂ ਦੇ ਮੋਬਾਈਲ ਤੋਂ ਦੂਰ ਲੈ ਜਾਓ ਅਤੇ ਉਨ੍ਹਾਂ ਨੂੰ ਸਰਕਸ ਦੇ ਰੰਗ ਦਿਖਾਓ ਤਾਂ ਜੋ ਉਹ ਕੁਝ ਜਾਣਕਾਰੀ ਪ੍ਰਾਪਤ ਕਰ ਸਕਣ ਅਤੇ ਭਾਰਤੀ ਸੱਭਿਆਚਾਰ ਦੀ ਇਸ ਵਿਰਾਸਤ ਬਾਰੇ ਜਾਣ ਸਕਣ।