ਪੰਜਾਬ : ਵਿਅਕਤੀ ਨੇ ਪੁਲਿਸ ਤੇ ਲਗਾਏ ਕੁੱਟਮਾਰ ਦੇ ਆਰੋਪ, ਦੇਖੋ ਵੀਡਿਓ

ਫਿਰੋਜ਼ਪੁਰ : ਜ਼ਿਲਾ ਫਿਰੋਜ਼ਪੁਰ ਦੇ ਬਲਾਕ ਮਮਦੋਟ ਅਧੀਨ ਪਿੰਡ ਹਜਾਰਾ ਸਿੰਘ ਵਾਲਾ ਇੱਕ ਵਿਅਕਤੀ ਨੇ ਪੁਲੀਸ ਤੇ ਗੰਭੀਰ ਅਰੋਪ ਲਗਾਏ ਹਨ। ਵਿਅਕਤੀ ਵੱਲੋਂ ਪੁਲਿਸ ਉਪਰ ਨਾਕੇ ਦੋਰਾਨ ਕੁੱਟਮਾਰ ਦੇ ਆਰੋਪ ਲਗਾਏ ਹਨ। ਪੀੜਤ ਵਿਅਕਤੀ ਨੂੰ ਮਮਦੋਟ ਦੇ ਸਿਵਲ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। 

ਮਿਲੀ ਜਾਣਕਾਰੀ ਦੋਰਾਨ ਹਸਪਤਾਲ ਵਿੱਚ ਭਰਤੀ ਪੀੜਤ ਵਿਅਕਤੀ ਨੇ ਇਲਾਜ ਦੌਰਾਨ ਦੱਸਿਆ ਕਿ ਮੇਰਾ ਲੜਕੇ ਨੇ ਟਰੈਕਟਰ ਟਰਾਲੀ ਮਿੱਟੀ ਤੇ ਲਗਾਇਆ ਹੋਇਆ ਹੈ, ਜਦ ਮੇਰਾ ਲੜਕਾ ਟਰੈਕਟਰ ਟਰਾਲੀ ਖਾਲੀ ਕਰਕੇ ਘਰ ਆ ਰਿਹਾ ਸੀ ਤਾਂ ਰਸਤੇ ਵਿੱਚ ਪੁਲਿਸ ਦਾ ਨਾਕਾ ਲੱਗਾ ਹੋਇਆ ਸੀ, ਨਾਕੇ ਵਾਲਿਆਂ ਨੇ ਉਸ ਨੂੰ ਰੋਕ ਕੇ ਪੁੱਛ-ਗਿੱਛ ਦੌਰਾਨ ਕਿਹਾ ਕਿ ਤੂੰ ਉੱਚੀ-ਉੱਚੀ ਗਾਣੇ ਲਗਾਏ ਹੋਏ ਹਨ, ਲੜਕੇ ਨੇ ਕਿਹਾ ਕਿ ਸਪੀਕਰ ਬੰਦ ਹੈ। ਲੜਕੇ ਨੇ ਆਪਣੇ ਪਿਤਾ ਨੂੰ ਬੁਲਾਇਆ ਅਤੇ ਇਸ ਦੌਰਾਨ ਪੁਲਿਸ ਦੇ ਨਾਲ ਗਾਲੀ-ਗਲੋਚ ਹੋ ਗਿਆ। ਪੀੜਤ ਵਿਅਕਤੀ ਨੇ ਦੱਸਿਆ ਕਿ ਮੇਰੇ ਨਾਲ ਬਿਨਾਂ ਗੱਲ ਤੋਂ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ ਜਿਸਦੀ ਪੀੜਤ ਨੇ ਇਕ ਵੀਡੀਓ ਵੀ ਬਣਾਈ ਹੋਈ ਹੈ। ਪੀੜਤਾਂ ਨੇ ਇਸ ਮਾਮਲੇ ਵਿੱਚ ਇਨਸਾਫ ਦੀ ਮੰਗ ਕੀਤੀ ਅਤੇ ਕਿਹਾ ਕਿ ਮੈਨੂੰ ਇਨਸਾਫ ਦਿੱਤਾ ਜਾਵੇ, ਅਤੇ ਬਣਦੀ ਕਾਰਵਾਈ ਕੀਤੀ ਜਾਵੇ।