ਪਠਾਨਕੋਟ : ਕੈਬਨਿਟ ਮੰਤਰੀ ਲਾਲ ਚੰਦ ਕਟਾਰੂਚੱਕ ਵੱਲੋਂ ਅੱਜ ਪੰਜਾਬ ਨਗਰ ਕੌਂਸਲ ਸੁਜਾਨਪੁਰ ਦਾ ਵਿਸੇਸ ਤੋਰ ਤੇ ਦੋਰਾ ਕੀਤਾ ਗਿਆ। ਇਸ ਮੋਕੇ ਤੇ ਨਗਰ ਕੌਂਸਲ ਪ੍ਰਧਾਨ ਅਨੁਰਾਧਾ ਬਾਲੀ, ਉਪ ਪ੍ਰਧਾਨ ਸੁਰਿੰਦਰ ਮਨਹਾਸ ਅਤੇ ਹੋਰ ਕੌਂਸਲਰਾਂ ਵੱਲੋਂ ਕੈਬਨਿਟ ਮੰਤਰੀ ਸਵਾਗਤ ਕੀਤਾ ਗਿਆ। ਇਸ ਮੋਕੇ ਤੇ ਹੋਰਨਾਂ ਤੋਂ ਇਲਾਵਾ ਸਰਵਸ੍ਰੀ ਅੰਮਿਤ ਮੰਟੂ ਹਲਕਾ ਇੰਚਾਰਜ ਆਮ ਆਦਮੀ ਪਾਰਟੀ, ਮਨਜਿੰਦਰ ਸਿੰਘ ਈ.ਓ. ਨਗਰ ਕੌਂਸਲ ਸੁਜਾਨਪੁਰ, ਪੁਸਪਾ ਦੇਵੀ ਕੌਂਸਲਰ, ਲਕਛਮੀ ਵਰਮਾ ਕੌਂਸਲਰ, ਮਹਿੰਦਰ ਬਾਲੀ ਕੌਂਸਲਰ, ਦਵਾਰਕਾ ਦਾਸ ਕੌਂਸਲਰ, ਅਵਿਨਾਸ ਡੋਗਰਾ ਕੌਂਸਲਰ, ਗੀਤਾ ਸਰਮਾ ਕੋਂਸਲਰ, ਸਰੋਜ ਬਾਲਾ ਕੌਂਸਲਰ, ਰਮੇਸ ਚੰਦ ਕੌਂਸਲਰ, ਅਸੋਕ ਬਾਵਾ ਕੋਂਸਲਰ, ਰੀਤੂ ਬਾਲਾ ਕੌਂਸਲਰ ਅਤੇ ਹੋਰ ਨਗਰ ਕੌਂਸਲ ਸੁਜਾਨਪੁਰ ਦੇ ਅਧਿਕਾਰੀ ਵੀ ਹਾਜਰ ਸਨ।
ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਸੁਜਾਨਪੁਰ ਸਿਟੀ ਅੰਦਰ ਸੀਵਰੇਜ ਅਤੇ ਵਾਟਰ ਸਪਲਾਈ ਦੀ ਮੁੱਖ ਸਮੱਸਿਆ ਹੈ ਅਤੇ ਉਨ੍ਹਾਂ ਨੂੰ ਇਹ ਦੱਸਦਿਆਂ ਖੁਸੀ ਹੋ ਰਹੀ ਹੈ ਕਿ ਸ. ਭਗਵੰਤ ਸਿੰਘ ਮਾਨ ਮੁੱਖ ਮੰਤਰੀ ਪੰਜਾਬ ਵੱਲੋਂ ਜਿਲ੍ਹਾ ਪਠਾਨਕੋਟ ਅੰਦਰ ਦੋ ਵਾਟਰ ਟ੍ਰੀਟਮੈਂਟ ਪਲਾਂਟ ਲਗਾਉਂਣ ਦੀ ਆਗਿਆ ਦਿੱਤੀ ਗਈ ਹੈ । ਜਿਸ ਅਧੀਨ ਇੱਕ ਵਾਟਰ ਟ੍ਰੀਟਮੈਂਟ ਪਲਾਂਟ ਨਰੋਟ ਜੈਮਲ ਸਿੰਘ ਅਤੇ ਸੁਜਾਨਪੁਰ ਵਿਖੇ ਲਗਾਇਆ ਜਾਵੈਗਾ। ਇਸ ਵਾਟਰ ਟ੍ਰੀਟਮੈਂਟ ਪਲਾਂਟ ਦੇ ਲੱਗਣ ਨਾਲ ਲੋਕਾਂ ਦੀ ਪੀਣ ਵਾਲੇ ਪਾਣੀ ਦੀ ਸਮੱਸਿਆ ਦਾ ਹੱਲ ਹੋਵੇਗਾ ਅਤੇ ਇਹ ਪਲਾਂਟ 24 ਘੰਟੇ ਕੰਮ ਕਰਿਆ ਕਰਨਗੇ। ਉਨ੍ਹਾਂ ਕਿਹਾ ਕਿ ਸੁਜਾਨਪੁਰ ਨਜਦੀਕ ਹੀ ਜਮੀਨ ਵੀ ਖਰੀਦ ਲਈ ਗਈ ਹੈ ਅਤੇ ਜਲਦੀ ਕੰਮ ਸੁਰੂ ਕੀਤਾ ਜਾਵੈਗਾ। ਇਸ ਤੋਂ ਇਲਾਵਾ ਸਹਿਰ ਦੀ ਜੋ ਸੀਵਰੇਜ ਦੀ ਸਮੱਸਿਆ ਹੈ ਉਸ ਦੇ ਹੱਲ ਲਈ ਵੀ ਸੁਜਾਨਪੁਰ 6 ਏਕੜ ਜਮੀਨ ਦੀ ਲੋੜ ਹੈ ਜੋ ਬੱਸ ਸਟੇਂਡ ਦੇ ਨਜਦੀਕ ਦੇਖੀ ਜਾ ਰਹੀ ਹੈ। ਜਲਦੀ ਹੀ ਸੀਵਰੇਜ ਲਈ ਜਮੀਨ ਦੀ ਵੀ ਚੋਣ ਕਰ ਲਈ ਜਾਵੈਗੀ। ਉਨ੍ਹਾਂ ਕਿਹਾ ਕਿ ਸੁਜਾਨਪੁਰ ਨਿਵਾਸੀਆਂ ਨੂੰ ਪੰਜਾਬ ਸਰਕਾਰ ਵੱਲੋਂ ਦੋ ਵੱਡੇ ਤੋਹਫੇ ਮਿਲਣ ਜਾ ਰਹੇ ਹਨ ਅਸੀਂ ਇਨ੍ਹਾਂ ਕਾਰਜਾਂ ਦੇ ਲਈ ਪੰਜਾਬ ਦੇ ਮਾਨਯੋਗ ਮੁੱਖ ਮੰਤਰੀ ਜੀ ਦਾ ਧੰਨਵਾਦ ਕਰਦੇ ਹਾਂ।
ਸੁਜਾਨਪੁਰ ਵਿਖੇ ਜੋ ਰੇਲਵੇ ਫਲਾਈ ਓਵਰ ਦਾ ਕੰਮ ਜੋ ਕਿ ਬਹੁਤ ਦੇਰ ਤੋਂ ਲਟਕਿਆ ਹੋਇਆ ਹੈ। ਉਨ੍ਹਾਂ ਕਾਰਜਾਂ ਦੇ ਹੱਲ ਲਈ ਵੀ ਜਲਦੀ ਉਪਰਾਲੇ ਕੀਤੇ ਜਾਣਗੇ। ਉਨ੍ਹਾਂ ਕਿਹਾ ਕਿ ਬੇਰਾਜ ਪੋਜੈਕਟ ਸਾਹਪੁਰਕੰਡੀ ਡੈਮ ਦਾ ਕਾਰਜ ਵੀ ਜਲਦੀ ਮੁਕੰਮਲ ਹੋ ਰਿਹਾ ਹੈ ਇਸ ਦੇ ਸੁਰੂ ਹੋਣ ਨਾਲ ਕੰਡੀ ਖੇਤਰ ਦੇ ਲੋਕਾਂ ਨੂੰ ਵੀ ਸਿੰਚਾਈ ਦੇ ਲਈ ਪਾਣੀ ਦੀ ਕਿੱਲਤ ਪੂਰੀ ਹੋਵੇਗੀ। ਸੁਜਾਨਪੁਰ ਨਗਰ ਕੌਂਸਲ ਵਧੀਆ ਕਾਰਜ ਕਰ ਰਹੀ ਹੈ ਜਿਸ ਦੇ ਲਈ ਇਹ ਵਧਾਈ ਦੇ ਪਾਤਰ ਹਨ।
Leave a Reply